يارب تموتى

هى لم تخطىء 
أنا من طلب منها التوقيع على جسدى
 ليس مرة أو اثنتان

بل العشرات من التواقيع 
ولكن السوط انحرف من يدها
 فوقع على روحى فى المره الأولى

 فكانت الأخيره 
كل العذر معها ربما لم تقصد
ولكنى فارقت الحياه ...

 فلتبكينى بقيه العمر
لأنى لا أعتقد إنها غير وفيه
أو فلتضحك

فلربما كما وصفتها من قبل بالغازيه
وهنا أكون أنا المخطىء فى اختيارى

 فلا ذنب لها البته
 عاشقه مخلصه أو غانية لعوب
هذا ليس  شأن الآخرين
وهو لا يهم إلا كلانا
 فقد كانت العين وكنت البصر ..
الشريان والدم ..
 الدقات والقلب
كنت اليوم وكانت هى دقائق هذا اليوم
هل تتصور ان تصير الأيام بلا دقائق
هل تتصور أن تتحول اللحظات
إلى كتل صماء تضاف الى عمرك دون أن تحياها
هل تتصور أياما خرساء لا تسمع فيها صوتها

*********
مش عارف ساكت ليه
مع إن القلب عليه
كل ضغوط الدنيا وصابر
مش عارف ليه
يمكن علشان إنسان
أصلى اتعلمت معاكى أكون بنى آدم
اتعلمت معاكى المشى
واتعلمت معاكى ازاى اتكلم
من غير ما انطق أى حروف
 فاكره الصمت
أهو مات
وياما الصمت
دوشنا سكات
اهو مات
بقى مرحوم  مرجوم
عارفـَه  ... مصدوم
زى اللى اتسرقت منه التفاصيل
متخيله إنسان من غير تفاصيل
ملعون العشق الداء
ملعون الحب الساكن جوه قلوب خوانه
ملعون الكداب فينا
ملعونه حروف الحاء والباء
ملعونه العين والشين والقاف
ملعونه حروفك ياغرام
ملعون يا سكوتى
يارب تموتى
يارب تموتى